STOP!
Kom tot stilstand,
kalmeer…ontspan
en kom na God se genadestasie,
sodat Hy jou kan vul
met Sy genade, liefde en wysheid.
Die beste van alles:
die lesing op die meter bly loop
die prys is klaar betaal met rooi bloed
Voor jy ry… wag
observeer!
Maak seker Hy’s daar in elke refleksie
van die situasie waarin jy jou bevind.
En ry rustig voort.
God se troosveërs
sal jou trane uit jou oë kan wegvee,
sodat dit nie jou sig vorentoe belemmer nie.
Laat Hy jou vriend wees
wat langs jou sit,
om jou te waarsku van gevaar
en wees veilig.
My blinde kol is God.
Ek kan Hom nie sien nie,
maar ek weet Hy’s daar.
Vergeet ek om Hom te soek,
maak ek ‘n fout
en draai ek teen die verkeer
Kyk links, kyk regs
vir ander wat jou pad kruis,
dis dalk net jy wat hulle help om
beter en veiliger te stuur
op die lewens pad.
D.Labuschagné
